تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

دقة شاكوش

دقة شاكوش

دقة شاكوش. ( الشرقية ) الآ

سعيد الشربينى

1- ازالة المحلات المخالفة عند الكوبرى الجديد ومثيلاتها تحت كل كبارى المحافظة والتى بنيت بدون تراخيص وعملت على تشويه الوجهة الحضارية والتى تعرض حياة المواطنين للخطر فى حال سقوط الكوبرى .. قرار تستحق الشكر عليه . ولكن لماذا لايقدم / خالد سعيد – ومن عاونه للمحاكمة بتهمة اهدار المال العام والاتلاف العمد . ولا بسلامته فوق القانون علشان ؟؟؟

هو دا بردوا مش مال شعب ؟ على فكرة الرئيس قال – مش نجامل حد. ولا نعتبر الكلام دا اونطة؟

2- بما أن المصلحة العامة تغلب على المصلحة الخاصة وبناء عليه قام الدكتور / غراب – بازالة المبنى السكنى والادارى القديم الملاصق لسور السكة الحديد عند محطة القطار بهدف توسعة الطريق وتطوير الشكل الجمالى وانسيابية المرور ودا طبعآ بعد تعويض السكان

وهذا شىء رائع وجميل نشكرك عليه . ولكن بما أن المصلحة العامة هى الغالبة الآن لماذا لا يتم ازالة كل الاكشاك والمبانى والكلاكيع الموجودة وسط الطريق العام بشارع الجيش ( الجناين ) والتى تمتد حتى ميدان الصاغة وتعويض ساكنيها من أجل توسعة الطريق والقضاء على الاختناق المرورى وبكدا هنحل مشكلة وسط المدينة تمامآ وخاصة انها بنيت ايضآ بدون تراخيص وفى مخالفة صريحة للقانون . ولا فيهم ناس اديها طايلة ومش هنعرف نعمل معاهم حاجة ؟

3- أنا راضى زمتك يا دكتور / غراب – هاتلى دولة فى العالم بتخرف زينا وعمله متنزهات وسط الطريق العام وبتعرض حياة المواطنين للخطر . ممكن تقول لى مين الجهبز أبن الجهبز اللى عمل كدا ؟

وليه سيبينه مادام آخيرآ عرفنا ان كل دا خطأ واهدار للمال العام واستخفاف بارادة الشعب .

عارف يا دكتور / غراب – المشكلة عندنا مش فى زيادة عدد سكان المحافظة ولا فى ضيق المساحة المشكلة عندنا فى ضيق الضمير وكثرة اللصوص ورعونة القانون والمحسوبية .

طيب تقدر تحاسب حد منهم أو حتى تحيلهم للنائب العام بتهمة الاضرار العمد بأموال ومصالح الشعب .. تقدر؟؟ … ساعتها سوف نرفع لكم القبعة ؟

 

تعليقات الفيسبوك
الرابط المختصر :

أضف رأيك و شاركنا بتعليقك

الإنضمام للجروب
صفحات نتابعها
الأكثر قراءة
مختارات عالم الفن
شخصيات عامة