تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

دقة شاكوش

دقة شاكوش

دقة شاكوش
سعيد الشربينى
……………………..

نفسى اشوف حزب واحد من اللى وجعين دمغنا قدم مذكرة واحدة للنائب العام لمحاسبة اللذين تسببوا فى اهدار المال العام أو الاتلاف العمد بالشرقية تحت مسمى التطوير والتجميل . أو حتى فكر يحاسب الجهابزة اللى اساءوا التخطيط ؟ ولا دول آخرهم رحلة وماتش كورة أو شحن اتوبيسات لنسوان ترقص وتضيع حقوق الشعب أو توزيع كراتين ببوسة وابتسامة وسلفى
لكن قضايا الشعب الملحة من أجور أو معاشات أو مرتبات أو محاسبة الفسدة أو المطالبة بحياة كريمة للمواطن أو رصيف حتى نمشى عليه – على ما اعتقد الفلم دا كله مش يعرفوا عنه حاجة ولا موجود على اجندتهم اذا كان فيه اجنده أصلآ
طيب هات لى حزب واحد اتكلم على مشكلة القمامة أو حاول يقدم لها حلول أو مشكلة التعليم أو البطالة أو الاختناق المرورى أو أى حاجة ؟! هم انفسهم شركاء فى منظومة الفساد .

الشللية دى اللى مسمين نفسهم احزاب كل دورهم أن يكونوا تابعين للحكومة ودا من زماااااان عارف ليه علشان كل واحد فيهم عاوز يضمن لنقسه كرسى سواء فى المحليات أو مجلس الشعب أو يتصور وهو فى مستشفى أو جنب المحافظ أو حتى رقاصة فى اى احتفال – أما المواطن ما هو الا سكة للوصول على قفاه وبس – زى ما هو حاصل الآن عند الكوبرى الجديد – مش همهم الاختناق المرورى أو الفوضى أو بلطجة الباعة اللى خدوا نصف الشارع لحسابهم . لا – المهم الاستاذة فلانة والاستاذ فلان يطلع فى الصورة وهو أو هى بتضحك ولزقة فى المحافظ علشان يقول أنا اهو مع الشعب .
لعبة وسخة وقديمة وأستخفاف بارادة الشعب لتغيبه . بس مش دا المهم
المهم ان الناس تفهم ان دول مش اكتر من عصابات مازالت تعيش فى الماضى وبنفس فكره العقيم وهدفهم الوصول الى غاياتهم فقط – وعلى فكرة كل دول وحتى الاشكال اللى انت مشفتهاش هيطلعوا ويلفوا عليك فى الانتخابات ويقولولك مصر وتحيا مصر – مهمو مصر فى نظرهم وفكرهم سبوبة
أما دورك أخى المواطن المحترم أن تكون قد ادركت دروس الماضى وتعرف ان حقك فى العيش الكريم وتحقيق العدالة بيضيع بسبب الاشكال دى
واظن الواقع اللى انت فيه خير دليل – ولا لسه مش اتعلمت؟
………………………………..
20 / 10 / 2019

تعليقات الفيسبوك
الرابط المختصر :

أضف رأيك و شاركنا بتعليقك

الإنضمام للجروب
صفحات نتابعها
الأكثر قراءة
مختارات عالم الفن
شخصيات عامة