تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

وأديني بأغني من تاني

وأديني بأغني من تاني

من ديوان راجع أغني من تاني للشاعر/محمد الشريف

وأديني بغني من تاني

وهانسي كل أحزاني

وهكتب بالقلم غنوة

تحيي العليل تاني

وأديني بغني من تاني

وهاوصف للحبيب وصفة

ترطب قلبوا من تاني

وهابعت للحبيب مرسال

ميمكن نسي العنوان

واديني بغني من تاني

وهاكتب مصر في الغنوة

علي شان صبية عاجباني

وهارسم للوطن رسمة

والونها بوجداني

لإن الوطن رسمة

وروحي ليها وخداني

وأديني بغني من تاني

وهارسم للوطن فستان

واخلي الصحرا بستان

وهاسقيه بأحلامي

وهازرع بالقلم وردة

تنسم علي العليل يرضه

أصل الوطن وردة

وأسيقه بروحي وأيامي

وهارفع علمها من تاني

وهارفع علي العلم قلبي

وهأرسم في الوطن جنة

وقلبي فيها بستاني

وهاكتب للوطن موال

لإنه غاوي موال

يا مصر إنت الأصل

والعين والنني

ليه يامة كل مبص في عينيكي

بتبعديهم عني

يا ملكة كل العصور

هابنيلك في قلبي قصور

حيطانة من النني

والونها من دمي

الأحمر ده دمي

والأبيص من روحي

والأسود مسك وعنبر يبهرني

علشان عينيكي سحرني

وهابني كمان ليكي

هرم عالي يليق بيكي

والونه بأحلامي

والطوب من اولادك

هارصهم يا حلوة رص

طوبة علي التانية

والمونة دي قلوبهم

لحد ماتبقي من تاني

أعظم هرم عالي

عارفة يا نور العين

هابني الهرم ده فين

يمكن في ميدان النصر

أو جنب شهيدك يا مصر

أو في ارض الفيروز

او عند جامع عمرو

عارفة يا بهية

احسن مكان ده فين

هابنيه في نني العين

أصل انت نور العين

وعايشة بين قصرين

وأديني بغني من تاني

وهانسي كل أحزاني

وهاكتب بالقلم انسي

مش هارج للألم تاني

لإن الألم قاسي

بيهد كياني وإحساسي

وهترجع تحلي من تاني

علشان أولادنا وبناتنا

يكون ليهم وطن تاني

هارجع أغني من تاني

بلادي بلادي بلادي

لك حبي وفؤادي

هاغنيها بوجداني

ولآخر يوم من عمري

وان كتبلي ربي الجنة

هاسكن علي شط النيل

علشان بيجري في الجنة

وهارجع اغني من تاني

بلادي بلادي بلادي

لك حبي وفؤادي

وعلي ربي بنادي

خلي الوطن عالي

احفظ جيشنا من تاني

واديني باغني من تاني

بلادي يا أجمل غنوة لبناتي

بلادي يا أحلي بسمة لاعيالي

بلادي يا أحلي نسمة لاحفادي

بلادي بلادي بلادي

لك حبي وفؤادي

وهاكتب لابني وصية

واخبيها عند بهية

واقلوا اوعي يا حبيبي

عن وطنك تمشي واتسيبوا

وهاتركلوا كمان قلمي

علشان يكمل الغنوة

وهارجع اغني من تاني

لان الوطن لو ضاع

منين نجيب وطن تاني

لان الوطن لو ضاع

منين نجيب وطن تاني

تعليقات الفيسبوك

الرابط المختصر :

إترك تعليق

البريد الالكتروني الخاص بك لن يتم نشرة . حقل مطلوب *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الإنضمام للجروب
صفحتنا على الفيسبوك
الأكثر قراءة
مختارات عالم الفن
شخصيات عامة