تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

نصائح ذهبية لكل سائقين السيارات

نصائح ذهبية لكل سائقين السيارات

كتب _ عبدالرحمن شاهين
• قبل ما تسوقي العربية اتعلمي القيادة بجد . خلي عندك ثقة بالنفس و اي حد بيسوق عربية مفيش فيها معضلة . المرايات و الاشارات مهمة جدا . الالتزام بأولويات العبور ( نعرف اللي له حق دخول الشارع و الخروج منه و الدورانات)
اعملي ignore للسخافات و اللي بيرمي عليكي . لأنه في الواقع بيترمى على الرجالة و البنات عادي
• في الزحام التزمي بحارتك المرورية . ما نتطتتش من حارة لحارة . وبنحدد الحارة بتاعتنا على حسب طريقنا فين ؟ لو داخل يمين بمسك يمين حتى لو واقف . لو داخل شمال بمسك شمال حتى لو واقف . والوسط للي طريقه طوالي ؟
• اهم حاجه ابعدى عن التريلات لأن احنا كرجالة حتى بنواجه صعوبة مع السواقين .لأنهم بيستغلوا حجمهم وأنهم ملوك الطريق..ابعدى عنهم…واهتمى بمؤشرات سيارتك..وازاى ممكن تعالجى اى عطل عشان لو وقفت منك وانتى على الطريق لوحدك…كل ده يتلخص فنقطتين..(الثقه والقدرة على التعامل)
• افتحي كبوت عربيتك واتعلمي اساسيات الاعتناء بالعربية . بالاستعانة بحد يكون هايفيدك ؟
• ضبط ابعاد الكرسي وضبط المرايات وضع حزام الامان قبل التحرك بالسيارة وقبلها التأكد من حاله الكاوتش و حاله ريش المساحات ومياه المساحات قبل الركوب وعند تدوير المحرك يجب التأكد من الانوار الإرشادية في التابلوه مثل الزيت والبطارية والحساسات عند فتح الكونتاكت واطفاء جميع الانوار بعد دوران المحرك والتأكد من مستوى مؤشر البنزين لتجنب توقف السيارة ؟
• ثقي جداااا في نفسك السواقه نصها ثقه اهتمي بمرايتك جدااا قبل اي قرار للتحرك شمال يمين ورا وكمان اهم حااااااجه افتحي بابك بهدوء وبصي في مرايتك الاول قبل ما تفتحي او تطلعي من عربيتك لازم يكون معاكي رقم مكانيكي او مركز صيانه او كاسحه لاقدر الله للضروره وكفاكي الله وكفانا شر الطريق ؟
• ربنا يوفقك اهم شي هدوء الأعصاب ومهما اتعلمتي هتكوني لسه بتتعلمي زينا كلنا كل يوم هيقابلك موقف جديد مطلوب تتصرفي وتاخذي قرارك بهدوء لا تتوقعي من الغير الالتزام بالقواعد المروريه توقعي اخطاء الغير. سواء سيارات او مشأه او اعزك الله حيوانات كلب قطه تقطع الشارع راقبي مسار سيارتك من الامام والخلف وعلى الجانبين واحذري واحذري من اخطاء الآخرين ؟
• نصيحه اتقالتلى وانا بتعلم السواقه دماغك فى الدواسه مش فى الدركسيون ؟
• تركزي في المريات ولو حد رعشلك وانتي بتزنقي عليه ابقي عديه والنبي عشان انا اتنين كانو حيعملوني شندوشتات وواحده في الجزيره والتلاته ولله الحمد كانو بيرغو في التليفون . اه ومعلومه مهمه بقا عشان واحده كانت حترفعلي الضغط اقسم بالله طول ما انا مدي ال D عمر العربيه ما تريح لورا عشان واحده خبطتني وبتقولي انتا الي رجعت بضهرك ؟!
• الهدوء لازم تكوني هاديه جدا ابعدي عن اي حد يخرجك عن شعورك ماتخليش سواق ميكروباص يستفزك مثلا ماتعمليش زيي انا كنت بتنرفز من اقل حاجه لحد ما بطلت سواقه الحمد لله ودلوقتي انا فقمه السلام النفسي ؟!
• الثقة ثم الثقة ثم الثقة وعدم التوتر خلي عندك هدوء اعصاب
لا يتوفر وصف للصورة.
تعليقات الفيسبوك

الرابط المختصر :

إترك تعليق

البريد الالكتروني الخاص بك لن يتم نشرة . حقل مطلوب *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الإنضمام للجروب
صفحتنا على الفيسبوك
الأكثر قراءة
مختارات عالم الفن
شخصيات عامة