تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

مشاكل بالكوم و”نيسان” غرقانة فى النوم

مشاكل بالكوم و”نيسان” غرقانة فى النوم

كتب _ عبدالرحمن شاهين
قد يتبادر الي ذهن الكثيرين أننا ضد جماعة ما بعينها ولكن الحقيقية نحن مجرد نافذة لصوت المستضعفين وصوت من لآصوت لهم . السيارة هي حصيلة مشوار كبير قطعة صاحبها يجمع فية النقود من إتجاهات عدة علي أمل أن يستريح ويفضل شراء الزيرو عن المستعمل لينعم بعدة سنوات بعيدا عن الصنايعية ومشاكلهم وإضاعة الوقت والجهد والنقود ولكن سرعان ما تذوب أحلامهم وتنكسر قلوبهم علي أعتاب الوكلاء نحن لآ ننكر أن هناك وكلاء علي أد المسؤلية ولكن نلفت نظرهم الي أن الوكالة ليست أن تأتي بسيارة وتطرحها في السوق بدون أن توفر لها قطع غيار كاملة بمعنى الكلمة ولكن أن يطلب العميل قطعة الغيار وينتظر بالشهور حتي تاتي من الخارج هذا هو مربط الفرس .. العملاء أمانة في أعناق الوكلاء الذين تركوهم في مهب الريح ليستريح كلا منهم علي الجنب اللي يريحة وطبعا ً كان للمسكنات الدور الكبير والأعظم .. مهندس الإستقبال هو حائط الصد المنيع اللي بيشيل كل الليلة من صدمات ولكمات وسباب والحقيقة المرة أنة مظلوم فهو مطلوب منة للحفاظ علي شغلة أن يصنع من الفسيخ شربات وأن يبتسم وأن يعطي العميل الحقنة المسكنة من غير ما يحس ويودعة بابتسامة عريضة وهو يقول في قرارة نفسة ( ربنا يعديها علي خير ) أسف للإطالة تعالوا نشوف أراء المجربين والله المستعان ؟؟؟؟!!!
الأستاذ / أبو ميتو بيقول وكلة حرقة وألم ياجماعة أقسم بالله إلى يشتري نيسان وخصوصا سنترا تانى يبقى اخد أكبر مقلب فى حياته. يعنى العربية خارجه من المصنع كلها عيوب والواحد صابر ومستحمل من سنة علشان يوفروا قطع الغيار والتوكيل مبلغنى أنها عيوب صناعة وفى الضمان لأن كل حاجه سليمة. هو بس علبة الشكمان بتسرب من اللحام وكاوتشة الكوبلن بتسرب شحم والعربيه عداد 1000كم. بس انتظر 15 يوم وتيجى الإدارة وهى قاعدة مع جهاز حماية المستهلك تبلغهم أن ده سوء استخدام مش فاهم يعنى ايه يعنى المفروض الكوبلن بعد 1000كم يتغير طبيعى ولا المفروض الكوبلن مايلفش .انا فعلاً غلطان واستاهل انى حدثت الموديل وجبت 2019. حسبى الله ونعم الوكيل بس عموما انا مش هسيبهم وهروح لرئيس الجهاز وهفضحهم. وياريت إلى معندوش مشاكل فى عربيته مايقعدش يقول دى جميلة. ده حظك مش اكتر. هى فعلا جميله بس منظر ؟؟!!
أما مشكله العربيه الثانيه. كانت بتدخل مياه فى الشنطه وانا بغسلها فى البيت. لما بلغت التوكيل قالوا إن فيه مشكله فى تقفيل الشنطه والرفرفر اليمين فى التقفيل نسيوا منطقة معينة بين الرفرف والشنطه نسيوا يحطوا سليكون فيها (فيلر )وطبعا قفلوا ورشوا العربيه وسلموها ولبستها وطبعاً إصلاحها لازم يشيلوا طبقه من الدهان اللى فوق الفرده اليمين ويحطوا سليكون ويدهنوا تانى ده طبعاً بيعيب فى العربية وبيقلل من ثمنها. طبعا قولت اغيرها زى ماهيه وقبل ماابيعها بلغت المشترى واشترط انها تعمل فى التوكيل وطبعاً عملتها وثبتها فى كتاب الضمان واشتراها. ولبست انا التانيه .

تعليقات الفيسبوك

الرابط المختصر :

إترك تعليق

البريد الالكتروني الخاص بك لن يتم نشرة . حقل مطلوب *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الإنضمام للجروب
صفحتنا على الفيسبوك
الأكثر قراءة
مختارات عالم الفن
شخصيات عامة