تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

مروان وحيد عواد الأول على الجمهورية علمي رياضة مصاب بالتوحد

مروان وحيد عواد الأول على الجمهورية علمي رياضة مصاب بالتوحد

كتب / ايمن حجر

مروان وحيد عواد،،، الأول على الجمهورية علمي رياضة،، مصاب بالتوحد، خبر ماينفعش يعدي كدا و كإن حاجة عادية حصلت… دي معجزة حقيقية، و طاقة إلهام عظيمة،. و فيض أمل و نور و انتصار لآلاف من العائلات اللي بتواجه التوحد في بلدنا بدون أي رعاية أو مؤسسات
حد متخيل حجم المجهود اللي بذله أهله علشان يتكلم، يتعلم يمسك القلم، علشان يعبر،، علشان ينمي مهاراته، علشان يتواصل، علشان تتوافق وظائفه الذهنية و العضلية، أو حتى علشان يدخل الحمام ، حد متخيل أد إيه مروان حاول و فشل و حاول تاني و صبر و أحبط و عدى الحواجز ، حد ممكن يتخيل كمية الأمل و الحب و الرعاية اللي أهله أحاطوه بيها من أول يوم عرفوا فيه انه متوحد،، متخيلين حجم الاحباطات اللي لقوها من أطباء عديمي الخبرة، من مؤسسات تعليمية و مجتمعية لا تعترف بالاختلاف و لا بتقدم أي رعاية متخصصة،، الله يبارك فيك يا مروان و في أهلك و في كل من أحاطك بالرعاية و الصبر و الحب و بقيت نموذج ملهم لينا كلنا، دعواتكم لآلاف من أبطال الظل، عائلات و أطفال اللي بيعملوا معجزات يومية يعبروا بيها حواجز اللغة و التواصل و مشاكل التوحد،، بينتصروا انتصارات مستمرة و يعدوا حواجز صعبة في طريق صعب و طويل و مضني للتدريب و تنمية المهارات و إشاعة الحب و الأمل…
تفوق مروان دي كمان رسالة من ربنا للناس ،، ان مفيش حاجة اسمها إن المتوحد معاق ذهنيا، أو إنه مفيش فايدة من علاجه،، أو إنه أقل من أقرانه،. في حالة التوحد تحديدا، في كتير من الأوقات بيكون الطفل دا عنده قدرات أكبر من أقرانه، بس دماغه متشبكة بشكل مختلف، بينظر للحياة و للدنيا بشكل مختلف،. والدليل أمامنا اهو…
مبروووووك مبرووووووك يا فخر مصر يا أبطالها يا صناع الأمل ،، يا أجمل ما فيها، مبروك مروان، مبروك أهل مروان،،، و افتكروا الإسم دا كويس… مروان وحيد عواد

تعليقات الفيسبوك

الرابط المختصر :

إترك تعليق

البريد الالكتروني الخاص بك لن يتم نشرة . حقل مطلوب *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الإنضمام للجروب
صفحتنا على الفيسبوك
الأكثر قراءة
مختارات عالم الفن
شخصيات عامة