تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

كيف تتعامل مع سيارتك الغرقانة فى مياة الأمطار

كيف تتعامل مع سيارتك الغرقانة فى مياة الأمطار

كيف تتعامل مع سيارتك الغرقانة فى مياة الأمطار

إعداد _ عبدالرحمن شاهين

تعرضت مناطق عديدة من الجمهورية الى أمطار غزيرة أدت الى غرق الكثير من السيارات وبخاصة السيارات المتواجدة بالقرب من اى نفق نظراً لتجمع المياة هناك .. وإليكم خطوات الخروج من تلك الأزمة بأقل التكاليف والحفاظ على السيارة وتشغيلها ؟

1_اياك وحذارى تحاول تدورها او حتى تفتح الكونتاك .

2_ هتفصل البطاريه وتخرجها بره العربيه .. لنتعامل معها بعد ذلك والكهربائى عارف شغلة .

3_ بخصوص السيارات المانيوال Manual

هتمورها وتنزل اليد و تحاول تنقلها لمكان عالى عن المياه شوية أو لو معرفتش تحركها هتحملها على ونش ، السيارات الغرقانة لازم تتعامل معاها بحذر شوية .

4_ العربيات الاوتوماتيك Automatic cars

هتلاقى جنب عصاية الفتيس غطاء صغير خالص اسمه ( release )هترفعه لفوق وتدخل مفك عاده او مفتاح فيه وتحرك دراع الفتيس للوضع N هتمورها يعني اللى هو قبل ما تحاول تقطرها او حتى تحملها ( لو عملت غير كده غالبا هتكسر الفتيس وتجيب لنفسك كارثة جديده .

5_ هتفكك صالون العربيه بالكامل وتطلعه بره ( كراسى ,دواسات , فيبر عتب و قوايم , فرش ابواب ,تابلوه , عدادات , مفاتيح , لباد ارضيه ,هتفكك الشنطه والفرده الأحتياطى والعده ودرج التابلوه , وهتفتح طبب الموجودة فى الأرضيه وبالطبع الكاوتش كمان )

6_ شئ مهم لو معملتوش هتخسر عربيتك بمرور الوقت ، هتغسل العربيه والموتور والفرش والدواسات وكل ملحقات العربيه بالكامل جيدا بماء ومنظف سائل ثم بالماء النظيف ، ده لأن مياة الامطار بيكون فيها املاح و اتربة و ممكن تكون امطار حامضية .. اللى ممكن تكون بارومة في العربية مستقبلاً .

7_ هتنفض كل ما سبق بهواء بضغط عالى لتسريع التجفيف هتنشر الفرش والأرضيه والدواسات فى مكان مشمس جيد التهويه بعيدا عن الأمطار .

8_ أما بخصوص الكهرباء

هتفكك كل فيش ضفيرة العربيه جوه وبره موتور وتابلوه وابواب وحساسات كل الفيش بلا استثناء وهتغسلها بميه مقطره كويس جدا واللى بان عليه اكسده هتنضفه بفرشه ثم بهواء مضغوط ثم تنضفهم بمنظف الكترونيات وليكن ( AKAI او ABRO ) وترنجع تنفضهم بهواء مضغوط وتركبه تانى ،

9_ هتفك العدادات والكاسيت والشاشات وكل الحساسات اللتى اللى غرقت و متنساش حساس الكرنك و حساس ABS و تنضفهم كويس جدا زي اللى فات ، و كمان متنساش السنترلوك و الزجاج و الكالون .

العربيات الحديثة
بيكون فيها اكتر من كمبيوتر لازم يتفكوا كلهم و يتنضفوا كويس و بالذات البوردة Board

وأخيراً الإجراءات القانونية

يجب على مالك السيارة الغارقة قبل أي خطوة أن يتخذ كل الإجراءات القانونية، وذلك من خلال عمل محضر إثبات حالة وإبلاغ شركة التأمين إذا ما كانت السيارة مؤمناً عليها، حتى لا يهدر حقه المدني.

تعليقات الفيسبوك

إترك تعليق

البريد الالكتروني الخاص بك لن يتم نشرة . حقل مطلوب *

*