تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

كسر زيرو ( إوعى تغمض عينيك )

كسر زيرو ( إوعى تغمض عينيك )

كتب _عبدالرحمن شاهين
تراودنا الأحلام والأماني فى الحصول على سيارة مستعملة بحلاوة وطعم السيارة كسر الزيرو ولكن ما يوجد فى السوق من نصب وإحتيال من قلة معددومة الضمير جعلتنا نستشعر الخوف وأن نطمئن على صوابعنا بعد السلام عليهم لأن السوق أصبح مملوء بأشكال وألوان مختلفة من تجار رجال ونساء وتسمع أحلى كلام ممكن يتقال ذى السيارة إستعمال نظيف والإستبن مانزلش على الأرض وريحة الفابريكة فيها واللى ياخدك على جنب ويقولك دة حتة كسر زيرو ياباشا مالهاش حل ويمارس عليك ضغوط نفسية ومعنويةعلشان تشوفها بنفسك وإنك محظوظ وحظك من السما وإنة بيخدمك خدمة العمر ولكن خدعة كسر الزيرو أصبحت غير مقبولة لأن اي حد بيشتري عربيه بيشتريها علشان يمشي بيها حتي لو استخدام بسيط انما جو انا شاري العربيه علشان ارفعها او شاريها من 10 سنين ومشيت بيها 50 و60 الف كيلو يبقا خليهالو احسن.. متوسط استخدام السياره النضيفه 30 الف كيلو سنويا بالاضافه لو كانت عربيه فوق موديل 2010 هايبقا ليها صيانات دوريه وحقك تتاكد من مواعيد الصيانه الدوريه للسياره وشوف اخر صيانه كانت عند كام كيلو وبص علي العداد وشوف هو مشي بعد الصيانه قد ايه ده ممكن يكون عامل اخر صيانه عند 100 الف كيلو وتبص علي العداد تلاقيه 80 الف مثلا ده معناه انه نصاب واهبل..
حاجه تانيه من حالة العربيه الخارجيه وحالة الدواسات هل العربيه باين عليها انها متبهدله ولا هو موضب كل حاجه ومتخافش غير من اللي مجدد قبل البيع ده بيبقا عايز يدفن عيوب كتير اوي و بص علي البوجيهات شوفها متغيره من امتي وحالتها ايه شوف الكاوتش حالته ايه حاول تشتري عربيه من المدينه اللي انت فيها علشان تبقا عارف انت بتتعامل مع مين .. وهتلاقي نفسك بدئت تاخد فكره عامه عن السياره وتعرف حالتها.. انما لو عربيه تحت موديل 2010 يبقا هتتعامل معاها زي اي عربيه مستعمله عاديه يقولك كسر زيرو قولو خليهالك ليه بقا انت رايح تشتري عربيه عدا عليها فوق ال 10 او 20 سنه مش هايهمك هي ماشيه قد ايه نهايتك تكون ماشيه مسافه مقبوله زي ماقولت 30 الف كيلو في السنه مثلا.
.
وبرده لكل قاعده شواذ وفعلا هتلاقي حالات شاذه مامشيتش كتير لكن لو صاحبها غلا عليك قولو خليهالك برده فيها ايه لما اشتري حاجه مستعمله ماشيه اكتر منها بس بسعر مناسب وكده كده الاتنين مستعملين بالعكس فيه سواقين كويسين بيعرفو يحافظو علي العربيه حتي لو مشيو بيها كتير .. ونصيحه دور دايما وانت بتشتري مستعمل علي الحاجه المناسبه في كل حاجه متخليش حد يحطلك السم في العصير وتبقا فرحان وانت بتشربه انت عايز عربيه كويسه بسعر كويس بحاله كويسه و العربيه كانت مع صاحبها مشي بيها لنفسه مامشيش بيها لنفسه انما يشتريها يقعدها جمبه او يلعب في عدادها ويقولك العربيه حاله نادره وشاذه قولو الله يباركلك فيها محدش قالك متمشيش بيها بيع بسعر معقول
انا بتكلم وانا ماليش اي مصلحه مع اي حد انا صعبان عليا المشتري اللي هايخسر فلوسه انما البايع كده كده كسبان وهتلاقيه كسبان الضعف وزعلان فا ياريت قبل ماتدفع تتاكد انك هاتدفع فلوسك في حاجه معقوله .. وأخيراً بننصح كل من ينوي شراء سيارة كسر زيرو أن يذهب بها إلي فني متخصص يكشف علي الشاسيه وأجزاء السمكرة بالسيارة وكذلك كشف كبس المحرك والأفضل أن يذهب لمركز الخدمة والصيانة التابع لوكيل السيارة المعتمد ولن يكلفه الأمر أكثر من ألف جنيه فهذا خير له من أن يتكبد أموالا طائلة في شراء سيارة يظن أنها حديثة وهي غير ذلك ..
ربما تحتوي الصورة على: ‏‏‏شخص أو أكثر‏ و‏سيارة‏‏‏
تعليقات الفيسبوك

الرابط المختصر :

إترك تعليق

البريد الالكتروني الخاص بك لن يتم نشرة . حقل مطلوب *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الإنضمام للجروب
صفحتنا على الفيسبوك
الأكثر قراءة
مختارات عالم الفن
شخصيات عامة