تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

قصيدة ” نهاية أرضنا “

قصيدة ” نهاية أرضنا “

قصيدة ” نهاية أرضنا ”

بعد شوية عمر
هندور ع الموت ..
الصرخة هتبقي سكوت
و هيبقي الانتحار امر
_
هنلاقي اللسان ارتجل
و الملح هيدوب كفوفنا
الاذية هتتمني تشوفنا
لما يملانا الخجل ..
_
هتزول نعمة الاختيار
و هنعمل نفسنا ناسيين
كل ذنب و مش حاسين
تعب القلب من الانهيار :exclamation:
_
هنلف ف حريق النار ..
و من شدة لهيبه
الواحد هيلعن عيبه
و هيقلد بطرس ف الانكار
_
لو عايش ثعلب مكار
خداعه مسيره رايح
الذل للكل جارح
يدوق البُكا .. مرار
_
الزاني يحلم ب ثوار
يطلبوله الرحمة من عتابه
ده مغرقه دم عذابه
و شيطانه جنس الأفكار :exclamation:
_
الجهل هيصاحب الغدار
لحظة ما تقوم الزلازل
النور يصبح خاذل
ما الليل هو النهار ..
_
الخاين هيترجي حبال
زي يهوذا تشنقه
ايادي الرخص هتخنقه
و هيعند سقوط الجبال :broken_heart:
_
الخطوة الواحدة بأمراض
الدمار هيصيبنا ع غفلة
كإن العقول هتتمَلّي ..
وهم و فشل الافتراض
_
هتتحول لخيل .. الجراد
و الفقر هيسكن المواكب
تسقط النجوم و الكواكب :stars:
و تهدم شر البلاد ..
_
و اخيرا هنعرف حقنا
و يظهر خِزي الناقد
و اللي فيه من تناقض
و دي نهاية أرضنا :broken_heart::exclamation:

” ديفيد منيب “

تعليقات الفيسبوك

إترك تعليق

البريد الالكتروني الخاص بك لن يتم نشرة . حقل مطلوب *

*