تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

فساد التعليم الفني وقطاعاتة

فساد التعليم الفني وقطاعاتة

كتب _ عبدالرحمن شاهين
فى حوارات عديدة ومقابلات مع معلمى التعليم الفنى كانت هناك حالة من الضيق والنفور تسود المشهد بينهم على حالهم وظروفهم المعيشية والكيل بميكيلين فى هذا القطاع وكان لنا لقاء مع أحد معلمى التعليم الفنى وبسؤاله قال عندما نتكلم عن مرتباتنا المتدنيه وظروف حياتنا الصعبه نعلم تماما ان ظروف الدوله لا تسمح بزيادة مرتباتنا ولكن نطلب العداله الاجتماعيه داخل وزارتنا التربيه والتعليم اقصد العدل والمساواه بيننا جميعا والفلوس اللى محتاجينها موجوده داخل وزارتنا مش عايزين حاجه من الدوله خالص ولكن الفلوس دى بيستفيد بها حفنه من اللصوص والفسده يسمونهم مسئولى الوزاره فى التعليم بنوعيه العام والفنى لما يبقى مرتبى ٢٥٠٠ جنيه وغيرى فى نفس الوزاره ونفس المؤهلات يقبض ١٠٠٠٠٠ جنيه يبقى حرام ربنا مايرضاش بكده
وعلى سبيل المثال وليس الحصر هناخد بند بسيط وحيله من حرامية التعليم الفنى الموجودين بكل القطاعات
لجان اداره /كنترولات /قطاع الكتب /المطبعه السريه /الاداره العامه للامتحانات /ديوان عام الوزاره وغيره
يوجد في مصر اكتر من ١٥٠٠ لجنه امتحان للتعليم الفنى مع الاعتبار ان مافيش لجان فرعيه زى بعضه لما كل لجنه من دول فى نهاية الامتحانات يتم بالامر المباشر مقابل اخلاءات الطرف من لجنة الاداره والا تعرقل كل الدنيا
ياخد ٢٠ استماره ١١٤ الخاصه بصرف فلوس الامتحانات للملاحظين والمراقبين ورئيس اللجنه وغيرهم من المعلمين الشقيانين ودفترين حضور وانصراف والكل مختوم بخاتم اللجان اللى هو خاتم النسر وكل ده على بياض يبقى الناس دى بتسرق فلوس اد ايه تعالى نحسبها باختصار وتقريبا
لو قلنا ١٥٠٠ لجنه امتحان
كل لجنه ٢٠ استماره ودفترين حضور وانصراف والكل على بياض ومختوم
يبقى
١٥٠٠ *٢٠ = ٣٠٠٠٠ استماره يتوزعوا على الحراميه اللى ذكرناهم هاعتبرهم حراميه شيك يضع ١٠٠ يوم بس لكل استماره على مرتباتهم هما ونسبة ٧٪ مش اقل من ٥٠٠٠ للفرد الواحد
نرجع تانى
٣٠٠٠٠ استماره * ٥٠٠٠ جنيه = ١٥٠٠٠٠٠٠٠ مليون جنيه
يبقى حرام والا مش حرام ياسيادة الرئيس وده بند واحد فقط من حيل كثيره فى هذه القطاعات
ارجوا من سيادتكم طلب التحقيق العاجل مع هؤلاء الفاسدين سارقى المال العام وتوزيع هذه المبالغ اللى بالفعل الوزاره بتصرفهم مش لسى هتدبرهم احنا مش عايزين حاجه من الدوله احنا عايزين فلوسنا وحقوقنا
تحياتى سيادة الرئيس واعانك الله على فساد اكثر من ثلاثين سنه تغلغل داخل البشر وحفظك الله وحفظ مصرنا الحبيبة الغاليه على قلوبنا اتمنى التحقيق في هذا البلاغ
تحيا مصر تحيا مصر تحيا مصر

تعليقات الفيسبوك
الرابط المختصر :

أضف رأيك و شاركنا بتعليقك

الإنضمام للجروب
صفحات نتابعها
الأكثر قراءة
مختارات عالم الفن
شخصيات عامة