تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

شاب شهم ونبيل ينقذ فتاة من أنياب المغتصبين

شاب شهم ونبيل ينقذ فتاة من أنياب المغتصبين

شاب شهم ونبيل ينقذ فتاة من أنياب المغتصبي
كتب _ عبدالرحمن شاهين
الشهامة هي صفة الرجال الشجعان الذي لا يخافون ولا يستسلمون لغير الله سبحانه تعالى، حيث أن صفة الشهامة لابد أن يتحلى بها كل رجل كريم وشجاع … أما عن الأخلاق فهى المنظم الأساسى للمجتمع والتى إن تم استدعائها من مخابئها واستعادتها وتفعيلها من جديد ستكون بلا شك المنقذ الوحيد والمخرج الآمن للوطن من عنق الزجاجة الذى اختنق به سنوات طويلة عندما بدأت الأخلاقيات والقيم والتقاليد فى التلاشى والحفظ فى ألبومات للذكريات فحسب !
وإليكم القصة كما هى بدون تعديل أو تصحيح
الشاب اللي في الصوره ده اسمه احمد عصام محمد من محافظه الاسماعيليه مركز فايد يارب يكون حد فيكم يعرفه الشاب ده انا وعائلتي مدينين له بحياتنا
الشاب ده انقذ بنتي من الاغتصاب بطريق مصر اسكندريه الصحراوي بعد العربيه بتعتها متعطلت الساعه 1باليل
وقفت ليها عربيه فيها 2شباب سألوها عن المشكله وجرولها العربيه لحد اقرب رست علي الطريق
وعرضو عليها يوصلوها في طريقهم عشان الوقت متأخر
هيا متخيلتش أن بعد موقف الشهامه ده هيطلعو مش كويسين المهم وهما في الطريق حاولو يعتدو عليها وهيا عماله تستغيث وتفتح الباب وتنط من العربيه لكن ولا حياه في من تنادي الطريق فاضي
وبالصدفه الشاب أحمد ده كان معدي شاف المنظر بتاع البنت وهيا بستغيث فقرر من غير تردد أنه زنق علي العربيه عشان يوقفها وفعلا وقفها وسحب شومه كانت معاه وجري عليهم
نزلو الشابين واحد ماسك مسدس والتاني ماسك البنت وتأتي دراعها وواحد قالو ديه مراتي وفيه مشاكل بنا امشي احسن بدل متموت
البنت أكدت أنها مخطوفه راح احمد ضارب واحد منهم بالشومه ووقع من ايدو المسدس والتاني شاف كده ساب البنت وجري
احمد الله يستره ربط الواد كويس وحطو في العربيه واخد البنت وراح علي اقرب نقطه شرطه علي الطريق سلم الواد والبنت اتصلت بينا وعملنا المحضر والحمد لله البنت بخير
بسبب الإنسان الخلوق المحترم احمد عصام انا مش عارفه اشكره ازاي بس اتمني الكلام ده يوصلك عشان رقمك ابني اخدو منك غلط انا مدينة ليك بحياتي انا وعائلتي
ربنا يحميك يارب ويحفظك لأهلك يارب ياجماعه حد يكون يعرفه ويوصله شكرنا هوا واهلو ويقلهم أن ابنكم ارجل راجل شفناه وان انتم فعلا عرفتو تربو
واحد غيرة كان مشي زي العربيات الي كانت بتمشي ويقول أنا مالي ولكن الأصل والتربية والشهامة والأخلاق هى التى دفعتة لذلك التصرف النبيل .
وعلى الرغم من أن الشجاعة صفة فطرية، إلا أن الإنسان يستطيع أن يكتسب هذه الصفة بأن يتدرب عليها ويصمم على أن يواجه كل الصعاب والتحديات بقوة وثبات وعدم تراجع، فمن يملك روحًا قوية وقلبًا جريئًا لا بدّ أن يكون شجاعًا ويصل إلى ما يُريد، فكما يقولون دائمًا : “الشجاعة صبر ساعة”، لذلك يجب على الأهل أن يغرسوا هذه الصفة العظيمة في نفوس أبنائهم

تعليقات الفيسبوك

الرابط المختصر :

إترك تعليق

البريد الالكتروني الخاص بك لن يتم نشرة . حقل مطلوب *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الإنضمام للجروب
صفحتنا على الفيسبوك
الأكثر قراءة
مختارات عالم الفن
شخصيات عامة