تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

زى الجبل

زى الجبل

زى الجبل – كلمات الشاعر شريف شمه

ضايع يادنيا وحظى مات

بكتم فى نفسي من سكات

وأضحك وأقول زى الجبل

مع إنى ميت م الآهات

بصبر وبستحمل كتير

يمكن وجايز يبقي خير

وبقول يارب انت القوى

على خلق معدومة الضمير

**** ****

لحد إمتى يازمن

تبعت جراحى مقدماً

وكأنى حد رخيص أوى

لاليا سعر ولا تمن

الضهر م الحمل انحنا

ولاعمرى قولت اشمعنى انا

حواليا خلق كتير أوى

مليانة غل ونفسنة

*******

أنا نفسي أعرف ذنبي إيه فى الدنيا ديا

ماسكانى غسل ومرمطة وظلم وأسية

مع انى طيب بس طيبتى هى عيبي

دايما بلاقي عدوى كان عامل حبيبي

مبقتش عارف عيب دة ولا مشكلة

كل البيبان علطول فى وشي مقفلة

كتر الوجع خلانى عايش فيكي ميت

وانتى عليا يادنيا برضو مكملة

*******

تعبان ولا برتاح فى يوم

جوايا تل من الهموم

الاسم عايش والسلام

واهى ياما بتدارى الهدوم

بصعب على نفسي أوى

وأحزن عليها كتير أوى

الدنيا حالفة تذلنى

وشوفت منها كتير أوى

واخدانى ليه تملى غدر على عمايا

عطول تحاسبيني ان طيبتى سبب غبايا

انا ناسي شكلى يادنيا اصلا من همومى

وبدارى وشي عشان مبصش فى المرايا

طب وعهد الله تجاوبيني بأمانة

شجر الطيابة ليه بيطرح فيك خيانة

متخلصيني يادنيا منك وارحميني

شبعت منك جرح ومذلة واهانة

 

ربما تحتوي الصورة على: ‏‏‏٢‏ شخصان‏، و‏‏بما في ذلك ‏الشاعر شريف شمه‏‏، و‏‏‏‏أشخاص يقفون‏، و‏شجرة‏‏ و‏نشاطات في أماكن مفتوحة‏‏‏‏‏
تعليقات الفيسبوك

الرابط المختصر :

إترك تعليق

البريد الالكتروني الخاص بك لن يتم نشرة . حقل مطلوب *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الإنضمام للجروب
صفحتنا على الفيسبوك
الأكثر قراءة
مختارات عالم الفن
شخصيات عامة