تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

دقة شاكوش ( احزاب شكرا مون )

دقة شاكوش ( احزاب شكرا مون )

دقة شاكوش ( احزاب شكرا مون )

سعيد الشربينى

……………………..

يا أخى حاجة تجنن أى دولة فى العالم بترتقى من خلال مؤسساتها واحزابها ومجتمعها المدنى – وعلى الرغم من مرور مصر خلال هذه السنوات بالعديد من المشكلات على كافة المستويات المؤسسية والاجتماعية مشفناش حزب واحد شارك فى حل أى ازمة أو سعى لتقديم أى حلول لآى مشكلة غير انهم يطلعوا زى الخفافيش علشان يعملوا خيمة يبيعوا فيها أقلام وكراريس عند دخول المدارس أو يبيعوا بطاطس وخضار أو يعملوا دورة كورة – هى الناس دى مش عوزة تتعلم من سياسة الرئيس ليه الراجل بيقول بقالى خمسين سنة اتعلم يعنى آيه دولة ؟ وهم بقالهم أكثر من قرن بيتعلموا يعنى آيه اونطة!! .

لا وآيه اليومين دول اللهم صلى على النبى كل واحد منهم أو وحده كل ما يلاقوا محافظ أو وزير راح يعمل دور كدا من اللى احنا متعودين عليه اشتغالة يعنى سواء هيهد بيت ولا هيهد رصيف تلاقيهم ملمومين حوليه علشان يخدوا سلفى وينشره على شبكات التواصل الاجتماعى علشان يضحك بيه على الناس ويقول لهم انا اهو مشارك مشكلات المواطنيين

  • طيب حد فيكم تقدم ببلاغ ضد أى مسئول فى محافظة الشرقية يطالب بمحاكمة اللذين تسببوا فى وفاة الابرياء اللذين راحوا ضحية الاهمال والفساد والتسيب بالصعق الكهربائ ؟
  • طيب حد فيكم تقدم ببلاغ لمحاسبة الفاسدين اللى اهدروا المال العام بعدما قام المحافظ ومعاونيه بتكسير وازالة الرصيف الذى تم بنائه منذ عام تقريبآ وانفق عليه ملايين الجنيهات من دم الشعب وقوته؟

  • طيب حد فيكم تقدم ببلاغ ضد أى مسئول بالشرقية أو تقديم أى حلول أو رؤى بعدما افترش البلطجية واصحاب الكافيهات والباعة الجائلين الطرقات العامة ؟

  • طيب حد فيكم فكر لمجرد التفكير أنه يقدم أى مساعدات أو حلول من شأنها مساندة الدولة المصرية فى القضاء على الفساد المتفشى فى المجتمع ؟

  • طيب حد فيكم حاول يشوف حال المستشفيات المتردية وعمل على المساعدة وتقديم العلاج لفقراء المرضى والمواطنيين ؟

  • طيب حد فيكم فكر يمر حتى حولين المدارس ويرى بيعينه اتلال القمامة بجوار اسوار المدارس وعمل على ازالتها ؟

  • طيب حد فيكم حاول يطالب بحق الرصيف للمواطن وعدم احتلاله من قبل الباعة الجائلين ؟

  • طيب حد فيكم فكر يطالب المحافظ بتنفيذ قرارات الازالة للأبراج المخالفة والتى مازالت على قيد الحياة تناطح السماء ؟

  • طيب حد فيكم فكر يعمل متابعة لأعمدة الانارة بالشوارع والحوارى التى اتلفتها الامطار والاهمال والفساد ؟

  • طيب نعمل حسابنا الايام اللى جاية نستقبل اللى هيطلوا علينا برؤسهم ويرزعونا على الخدين بوسة وبتسامة وحضن وسلفى ولا هناخد حقنا ناشف ؟

  • طيب ممكن تريحونا وتختفوا تمامآ من المشهد وتنزلوا من فوق صدر الشعب اللى انتم علتوه على مدار قرن من الزمان ؟

  • طيب ممكن حد منكم يفهمنا هو فاهم يعنى آيه حزب سياسى وما هو دوره؟

  • طيب حد قال انكم أخطر من الجماعة الارهابية على مصر بسكوتكم وتخاذلكم تجاه قضايا الفساد ؟

على فكرة الرئيس هارش كل الشغل دا والله يكون فى عونه وعلشان كدا بيأجل الانتخابات لأنه عارف انها لم ترتقى الى مستوى خدمة الشعب يعنى مازلنا نتبع سياسة الكلفتى .

مصر تحتاج الى مخلصين وطنيين يساندوا الدولة والرئيس ولا أنتم لسه عايشين فى ثقافة السبوبة ؟

………………………………………………

( حمى الله مصر شعبآ وجيشآ وقيادة من كل مكروه وسوء )

31 / 10 / 2019

تعليقات الفيسبوك

الرابط المختصر :

إترك تعليق

البريد الالكتروني الخاص بك لن يتم نشرة . حقل مطلوب *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الإنضمام للجروب
صفحتنا على الفيسبوك
الأكثر قراءة
مختارات عالم الفن
شخصيات عامة