تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

البلطجه وحقوق الأنسان

البلطجه وحقوق الأنسان

كتب : فهيم سيداروس

بصفتي في منظمه حقوق الإنسان بالمنظمه المصريه الدوليه لحقوق الانسان والتنميه
راعيت بالنشر هذه القضيه لمنع نظام البلطجه

ياوزير الداخليه انتم جنود لمنع تفشي البلطجه في مجتمع يسود فيه المحبه والسلام
كما وزاره الصحه جنود لمنع تفشي مرض الكورونا

نتمنى فعلا أن يطبق القانون ولا يتم تحويلها لمشاجره ولخناقة ويتم التصالح لآني سمعت مداخلة من قريب له مع د . منى رومان قال المجرمين هددوهم بالتهجير من بولاق .

التسامح من المرة الأولى و إغفال القانون و القعدات العرفية هو ده الخطاء الاساسى .. :
منتظرين دولة القانون والمؤسسات .
الحكايه ببساطه
لسة قافل التليفون حالا مع قرايب مايكل نبيل حلمي .. ٢٠ سنة شغال حلاق من بولاق الدكرور

مايكل كان عنده صالون حلاقة من ١١ شهر دخل عنده مسجل خطر إسمه صدام أبو الكبير يحلق و حصلت بينهم مشادة أنتهت أن صدام جاب أصدقاءه البلطجية .

و كسروا المحل لمايكل و ضربوه و أتدخل المتاعيس و المواكيس و عملوا قعدة عرفية أجبروا مايكل فيها علي التصالح لكن الموضوع معداش من دماغ شوية البلطجية لأن مايكل ( اتجعرن عليهم ) .

و ازاي عيل زي ده خايب يتنطط عليهم .. من ثلاثة شهور أتكرر الموضوع ، و رغم التصالح في القعدة العرفية إلا أنهم دخلوا الصالون علي مايكل و ضربوه و كسروا المحل لتاني مرة ..

ولما مايكل فكر يعمل محضر أجبره أخواله علي عدم عمل محضر بل و إغلاق المحل ليبتعد عن الشر ..
و قفل المحل و أشتغل في صالون أخر في المهندسين , و يوم الأربع الماضي راح يركب من موقف شارع ناهية في بولاق علشان يروح شغله شافه عماد أبو الكبير مسجل خطر و أخو صدام أبو الكبير هو و ثلاثة مسجلين خطر من اللي بياخدوا اتاوة من المنطقة ، و من العربيات و نزلوا عليه بالمطاوي في كل أنحاء جسمه قطعوه تقطيع ، و كسروا دراعه ، و خطفوه و طلعوا بيه لأخوه صدام صاحب المشكلة القديمة و خلوه رغم كل جروحه و إصاباته أصابه في وشه قال إيه بيعلمه علشان يكسر عينه و ميرفعش عينه فيهم تاني ..

مش بس كدة .. أخدوه علي القسم و أتهموه إنه كان بيسرق عربية و إن الناس إتلمت عليه ضربته ..

لكن بالتحري و تدخل البعض توصلت المباحث للحقيقة ، و قبضوا علي صدام ، و عماد ابو كبير و المسجلين الخطر اللي ساعدوهم و أخدوا ٤ أيام علي ذمة التحقيق ..

ادعوا لمايكل هيعمل عملية تركيب شرايح و مسامير .. ربنا ينتقم من كل ظالم ..

جدير بالذكر إن الصيع دول كانوا أعتدوا علي ظابط شرطة في قسم بولاق في واقعة يشيب ليها شعر الاطفال ..

يعني ليهم سوابق حتي مع ظباط الشرطة .. يعني ينطبق عليهم قانون البلطجة و اختطاف انسان و الشروع في قتله و استعراض القوة .. لما نشوف بقي قيد ووصف الجريمة دي هيكون ايه

تعليقات الفيسبوك

الرابط المختصر :

إترك تعليق

البريد الالكتروني الخاص بك لن يتم نشرة . حقل مطلوب *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الإنضمام للجروب
صفحتنا على الفيسبوك
الأكثر قراءة
مختارات عالم الفن
شخصيات عامة