تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️

أدم و حواء

أدم و حواء

حاسس بيكي والله
والحزن باين عليكي
بتحاولي تكوني قويه
وتخبي الدمعه ف عنيكي

عشان قلبه حجر
ازاي الجبان قدر
انه يفرط فيكي

يا ست الكل يا غاليه
يا نجمه في السما عاليه
حواليكي قلوب خاليه
تتمنى في يوم ترضيكي

أنسي اللي هنتي عليه
حرام تفكري فيه
ولو لسه بتحبيه
افتكري انه غدر بيكي

و امسحى دموعك يا حوا
واكتمي صرختك جوه
اللي خسر أكيد هو
كان فاكر الغدر قوه
وانه قدر يأذيكي

أحذفي أسمه من حياتك
وذكرياتك أعملى لها Delet
وما تندميش ع اللي فاتك
وتبكى وتقولي ياريت

بكره تقابلي اللي يصونك
راجل عمره ما يخونك
ويرسم الفرحه ف عيونك
يدخل حياتك يكون لك بيت

وإياك تفرح يا آدم
إنك كسرت قلبها
بكره هترجع نادم
إنك في يوم خسرتها
ربنا بس اللي عالم
إنك في يوم سبتها
زي غريق متعلق بقشه
وحياه ضعيفه وهشه
وفي أديها نفس الرعشه
اللي كانت زمان

وخليك فاكر يا آدم
إن حوا من ضلوعك
وانك يوم ما تبكى
والحزن يطفى شموعك
وقلبك م البكا يضلّم
والجرح جواك يعّلم
وتشكى حزنك وتتألم
حوا اللي هتمسح دموعك

يا كل حوا نامت
تحلم بقلب كبير
ما تزعليش لو هانت
دموعك بلا تقدير
بكره تقابلي آدم
وتحسي بالتغيير
و كل آدم جرح
او حتى ظلم حد
بكره ينام مجروح
والدموع ع الخد
ويذوق عذاب الروح
لما يحب بجد

ويا كل آدم حب
وعشق حوا بضمير
إياك في يوم تأذيها
دا رسولنا قال فيها
رفقاً…. بالقوارير

تعليقات الفيسبوك

الرابط المختصر :

إترك تعليق

البريد الالكتروني الخاص بك لن يتم نشرة . حقل مطلوب *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الإنضمام للجروب
صفحتنا على الفيسبوك
الأكثر قراءة
مختارات عالم الفن
شخصيات عامة